දකුණු ආසියානු විදුලි සංදේශ නියාමකයින්ගේ සංගමයේ ක්‍රියාකාරී කණ්ඩායම් රැස්වීම

16 09 2025 - 08:30 AM

දකුණු ආසියානු විදුලි සංදේශ නියාමකයින්ගේ සංගමයේ (SATRC) ප්‍රතිපත්ති, නියාමනය සහ සේවා පිළිබඳ ක්‍රියාකාරී කණ්ඩායම් රැස්වීම

2025 සැප්තැම්බර් 23 සිට 25 දක්වා, කොළඹ, ශ්‍රී ලංකාව

දකුණු ආසියානු විදුලි සංදේශ නියාමකයින්ගේ සංගමයේ (SATRC) ප්‍රතිපත්ති, නියාමනය සහ සේවා පිළිබඳ ක්‍රියාකාරී කණ්ඩායමේ රැස්වීම 2025 සැප්තැම්බර් 23 සිට 25 දක්වා කොළඹ හිල්ටන් කලම්බු රෙසිඩන්සීස් හිදී දකුණු ආසියානු රටවල නියාමන බලධාරීන් , ඉහළ මට්ටමේ නියෝජිතයින්, ආසියා - ශාන්තිකර විදුලි සංදේශ සංගමයේ (APT) අනුබද්ධ සාමාජිකයින් සහ අනෙකුත් ප්‍රධාන පාර්ශවකරුවන්ගේ සහභාගීත්වයෙන් පැවැත්විණි. මෙම උත්සවය ආසියා- ශාන්තිකර විදුලි සංදේශ සංගමය (APT) විසින් සංවිධානය කරන ලද අතර සත්කාරකත්වය දරන ලද්දේ ශ්‍රී ලංකා විදුලි සංදේශ නියාමන කොමිෂන් සභාව (TRCSL) විසිනි. දකුණු ආසියානු විදුලි සංදේශ නියාමකයින්ගේ සංගමයේ ( SATRC ) ක්‍රියාකාරී සැලැස්මේ IX අදියර යටතේ කැඳවන ලද මෙම රැස්වීම මාර්ගගත හා මාර්ගගත නොවන සහභාගීත්වයට ඉඩ සලසමින් දෙමුහුන් වැඩසටහනක් ලෙස පවත්වන ලදී.

දකුණු ආසියානු විදුලි සංදේශ නියාමකයින්ගේ සංගමයේ ( SATRC) ප්‍රතිපත්ති, නියාමනය සහ සේවා පිළිබඳ ක්‍රියාකාරී කණ්ඩායම (WG PRS) විසින් සාමාජික රටවල් අතර පොදු ප්‍රතිපත්ති, නියාමන සහ සේවා ආශ්‍රිත ගැටළු සාකච්ජා කරන අතර විදුලි සංදේශ ක්ෂේත්‍රයේ මතුවන අභියෝග පිළිබඳ වාර්තා සහ මාර්ගෝපදේශ සකස් කරයි.

කාර්යය පටිපාටි:
දකුණු ආසියානු විදුලි සංදේශ නියාමකයින්ගේ සංගමයේ ( SATRC) ප්‍රතිපත්ති, නියාමනය සහ සේවා පිළිබඳ ක්‍රියාකාරී කණ්ඩායම (WG PRS) විසින් පහත සඳහන් කාර්යය පටිපාටිය පවත්වාගෙන යයි:

• ක්‍රියාකාරී කණ්ඩායමේ සභාපතිත්වය දරනු ලබන්නේ නියාමන ආයතනය විසින්  නම් කරන ලද තැනැත්තෙකු  විසිනි.
• සෑම ක්‍රියාකාරී කණ්ඩායමක්ම  අවම වශයෙන් සෑම සාමාජික නියාමන ආයතනයක   එක් විශේෂඥයෙකුගෙන් හෝ  සමන්විත විය  යුතුය. 
• නියාමන ආයතන වලට  සිය  රටේ කර්මාන්ත අංශයේ  අදාළ කටයුතු පිළිබඳ විශේෂඥයින් නම් කර දිරිමත් කළ හැකිය.
• ක්‍රියාකාරී කණ්ඩායම  විසින්    දකුණු ආසියානු විදුලි සංදේශ  නියාමකයින්ගේ සංගමයේ (SATRC)  අවශ්‍යතාවයට අදාළ  කාර්යය  අයිතම  රැසක්   සම්බන්ධයෙන්  කටයුතු සිදු කිරීම .
• නියාමන ආයතන  සහ කර්මාන්තයේ අවශ්‍යතා සැලකිල්ලට ගනිමින් නියාමකයින්, කාර්යය කණ්ඩායම් විශේෂඥයින් සහ දකුණු ආසියානු විදුලි සංදේශ සංගමයේ (SATRC)  උපදේශකයින් විසින් වැඩ අයිතම යෝජනා  ඉදිරිපත් කරනු ලැබේ.
• කාර්යය  කණ්ඩායම විසින්  වසරකට එක්  මාර්ගගත නොවන  රැස්වීමක් සංවිධානය කරයි.  මාර්ගගත නොවන  රැස්වීම් වලට අමතරව  කාර්යය  කණ්ඩායම විසින් ස්වයංක්‍රීය  විද්‍යුත් තැපැල්  සේවාව   (email reflector )  ඔස්සේ  මාර්ගගත වැඩසටහන්  පවත්වනු ලැබේ.
• කණ්ඩායම් රැස්වීමට සහභාගී වීම  පිණිස දකුණු ආසියානු විදුලි සංදේශ සංගමයේ (SATRC)  සාමාජික රටක සාමාජිකයෙකුට එක් ශිෂ්‍යත්වයක් ප්‍රදානය කෙරේ.
• ක්‍රියාකාරී කණ්ඩායම විසින්   එක් එක් වැඩ කරන අයිතමවල කාර්යය  විෂයය  පථයන් තීරණය කරයි.
• කාර්යය කණ්ඩායමේ තීරණය ප්‍රකාරව ,  එක් එක් කාර්යය  අයිතමයේ ප්‍රතිඵලය ,    දකුණු ආසියානු විදුලි සංදේශ සංගමයේ වාර්තාවක් ,   මාර්ගෝපදේශයක්  හෝ අදහසක් ලෙස නිකුත්  කෙරේ. ක්‍රියාකාරී   කණ්ඩායමේ සියලුම කණ්ඩායම්  වැඩසටහන්වල   ප්‍රතිඵල ප්‍රමාදයකින් තොරව  ඊළඟ  රැස්වීමේදී අනුමත කළ යුතුය.

නායකත්වය::

• මූලාසනය : කාවර් සිද්දික් කොඛාර් මහතා, පකිස්ථාන විදුලි සංදේශ අධිකාරිය (PTA)
• උප සභාපතිවරුන්: ආචාර්ය ෂම්සුසෝහා, බංග්ලාදේශ විදුලි සංදේශ නියාමන කොමිෂන් සභාව (BTRC) සහ රෝජා කිරන් බාසුකලා මෙනවිය ‚ නේපාල විදුලි සංදේශ අධිකාරිය (NTA)
• ක්‍රියාකාරී කණ්ඩායම් විශේෂඥයින්: ප්‍රතිපත්ති, නියාමනය සහ සේවා පිළිබඳ ක්‍රියාකාරී කණ්ඩායම් විශේෂඥයින්ගේ සම්පූර්ණ ලැයිස්තුව බාගත කිරීමට මෙතන ක්ලික් කරන්න.

පවරා ඇති වැඩ අයිතම:
දකුණු ආසියානු විදුලි සංදේශ සංගමයේ (SATRC) ක්‍රියාකාරී සැලැස්ම අදියර IX (2024-2025) ක්‍රියාත්මක කිරීමේදී ප්‍රතිපත්ති, නියාමනය සහ සේවා පිළිබඳ ක්‍රියාකාරී කණ්ඩායම් හි කාර්යය අයිතම පහත පරිදි වේ:

• කාර්යය  අයිතමය 1: ස්ථාවර සහ ජංගම පුළුල් පරාස දත්ත සේවා සඳහා නව තාක්ෂණයන් සහ සුහුරු විසඳුම් ආශ්‍රිත  නියාමන අභියෝග අධ්‍යයනය කිරීම.
• කාර්යය  අයිතමය 2: ඩිජිටල් අන්තර්ගතයන්  සඳහා විශ්වීය  සේවා බැඳීම් අරමුදල භාවිත කිරීම  වැඩි දියුණු කිරීම
• කාර්යය  අයිතමය 3: තිරසාර සංවර්ධනය සඳහා  තොරතුරු හා සන්නිවේදන තාක්ෂණ  විද්‍යුත් අපද්‍රව්‍ය කළමනාකරණ රෙගුලාසි වැඩිදියුණු කිරීම.
• කාර්යය  අයිතමය 4: පාරිභෝගික තොරතුරු ආරක්ෂාව සහ අයිතිවාසිකම් සැලකිල්ලට ගනිමින් මාර්ගගත වංචා සහ ඩිජිටල් මූල්‍ය වංචාවලට මුහුණ දෙන අභියෝග සහ විසඳුම් පිළිබඳ අධ්‍යයනය කිරීම .
• කාර්යය  අයිතමය 5: දකුණු ආසියානු  විදුලි සංදේශ නියාමකයින්ගේ සංගමයේ  (SATRC) සාමාජික  රටවල  අයක්‍රම  ප්‍රතිපත්ති කෙරෙහි අභිසාරීතාවයේ සහ නව සේවාවන්ගේ බලපෑම විශ්ලේෂණය කිරීම.
• කාර්යය  අයිතමය 6:සුහුරු  නගර සහ සමාජයන් : අන්තර්ජාලයේ දෑ ( IoT ) ,  පුළුල් දත්ත (Big Data)  සහ ඒ හා සමාන තාක්ෂණයන් යෙදවීමේදී  දකුණු ආසියානු විදුලි සංදේශ නියමකයින්ගේ සංගමයේ (SATRC) සාමාජික  රටවල අත්දැකීම් සහ සිද්ධි  අධ්‍යයනය කිරීම. 

1997 වසරේ දී ආසියා- ශාන්තිකර විදුලි සංදේශ සංගමය (APT) සහ ජාත්‍යන්තර විදුලි සංදේශ සංගමයේ (ITU) ආසියානු සහ ශාන්තිකර කලාපීය කාර්යාලයේ ඒකාබද්ධ මුලපිරීමක් ලෙස ස්ථාපනය කරන  ලද දකුණු ආසියානු විදුලි සංදේශ නියාමකයින්ගේ  සංගමය  (SATRC), දකුණු ආසියානු නියාමන ආයතන  උදෙසා   විදුලි සංදේශ සහ තොරතුරු හා සන්නිවේදන තාක්ෂණ නියාමනයේ අන්‍යෝන්‍ය හා වැදගත්  ප්‍රධාන කරුණු සාකච්ඡා කිරීම සහ සම්බන්ධීකරණය කිරීම සඳහා වේදිකාවක්  නිර්මාණය කරයි. සංගමය විසින්  කලාපීය සහයෝගීතාව  වැඩිදියුණු  කරන අතර සම්මන්ත්‍රණ, රැස්වීම්, පුහුණු වැඩසටහන් සහ වැඩමුළු හරහා දැනුම බෙදා හදා  ගැනීමට පහසුකම් සපයයි.  දකුණු ආසියානු විදුලි සංදේශ නියාමකයින්ගේ  සංගමයේ (SATRC)  ක්‍රියාකාරකම්වලට ඇෆ්ගනිස්ථානය, බංග්ලාදේශය, භූතානය, ඉන්දියාව, ඉරානය, මාලදිවයින, නේපාලය, පකිස්ථානය සහ ශ්‍රී ලංකාව යන රටවල නියාමන බලධාරීන්ගේ ඉහළ මට්ටමේ නියෝජිතයින්ගේ ක්‍රියාකාරී සහභාගීත්වය ඇතුළත් වේ. කලාපීය වැදගත්කමක් ඇති පොදු ගැටළු සහ කරුණු   සාකච්ජා කිරීමෙහි ලා  සංගමය  නිතිපතා රැස්වේ. 

Further details about the event are available at: https://apt.int/apt/SATRC-WGPRS