වි. ස. නි කොමිෂන් සභාව විසින් 2024 පර්යේෂණ සහ සංවර්ධන වැඩසටහනේ දෙවන ප්‍රගතිය ඉදිරිපත් කිරීම

29 10 2025 - 09:30 AM

විදුලි සංදේශ අංශයේ නවෝත්පාදනයන් වැඩිදියුණු කිරීම සහ පර්යේෂණ ඉදිරියට ගෙන යාම සඳහා වන සිය කැපවීම නැවත තහවුරු කරමින්, ශ්‍රී ලංකා විදුලි සංදේශ නියාමන කොමිෂන් සභාව (TRCSL) 2025 ඔක්තෝබර් 16 වන දින පර්යේෂණ සහ සංවර්ධන (R&D) වැඩසටහනේ 2 වන ප්‍රගතිය ඉදිරිපත් කිරීම සාර්ථකව පවත්වන ලදී.

1991 අංක 25 දරන ශ්‍රී ලංකා විදුලි සංදේශ (සංශෝධිත) පනත අනුකූලව, පර්යේෂණ සහ සංවර්ධන මුලපිරීම,  විශ්ව විද්‍යාල ක්ෂේත්‍රය හා කර්මාන්ත  ක්ෂේත්‍රය එකට සම්බන්ධ කරන ප්‍රධාන වේදිකාවක්  ලෙස ක්‍රියා කරන අතර, නව තාක්ෂණික අභියෝගවලට මුහුණ දීම සඳහා සහයෝගී පර්යේෂණ ප්‍රවර්ධනය කරන අතර විදුලි සංදේශ ක්ෂේත්‍රයේ  අනාගතය සඳහා ප්‍රායෝගික විසඳුම් සංවර්ධනය කරයි.

මෙම අවස්ථාවට මොරටුව විශ්ව විද්‍යාලය, කැලණිය විශ්ව විද්‍යාලය සහ රුහුණු විශ්ව විද්‍යාලය විසින් සිදු කරන ලද පර්යේෂණ ව්‍යාපෘති ඇතුළත් වූ අතර, ඒවා අතර නව ක්ෂේත්‍ර ආවරණය වන පරිදි:

• ශබ්දය තුළ පුද්ගලාරෝපිත කථන බුද්ධිය වැඩි දියුණු කිරීම සඳහා අවකාශීය ශබ්ද පටිගත කිරීම සහ ප්‍රතිනිෂ්පාදනය
• ස්වාධීන ජීවන සහාය සඳහා  අන්තර්ජාලයේ දෑ -පාදක නින්ද නිරීක්ෂණ මෙවලම්
• දිඟු කාලීන පරිණාමය - කාල විබෙදුම් ද්විත්ව සන්නිවේදන   (LTE-TDD)  ජාලවල වායුගෝලීය නාලිකා බාධා අවම කිරීම සඳහා යන්ත්‍ර ඉගෙනුම් -සක්‍රීය ජාල ප්‍රශස්තිකරණය.
• දෘශ්‍යාබාධිත පාසල් ළමුන් සඳහා අධ්‍යාපනික සහභාගීත්වය සහ ස්වාධීනත්වය වැඩි දියුණු කිරීම සඳහා නව්‍ය මෘදුකාංග විසඳුම් යන පර්යේෂණ ව්‍යාපෘති  වූහ. 

මෙම සැසියේදී පර්යේෂකයින්, විශ්වවිද්‍යාල කථිකාචාර්යවරුන්, ශ්‍රී ලංකා විදුලි සංදේශ නියාමන කොමිෂන් සභා  පර්යේෂණ කමිටු සාමාජිකයින් සහ කර්මාන්ත නියෝජිතයින් එක්රැස් වූ අතර, පර්යේෂණ ප්‍රගතිය සහ සහයෝගීතාවය සඳහා ඇති අවස්ථා පිළිබඳ ඵලදායී සාකච්ඡා දිරිමත් කරන ලදී. එක් එක් ඉදිරිපත් කිරීමෙන් පසු අන්තර්ක්‍රියාකාරී ප්‍රශ්නෝත්තර සැසි මගින් ශාස්ත්‍රීය, කර්මාන්ත සහ නියාමන විශේෂඥයින් අතර වටිනා දැනුම බෙදා ගැනීමට පහසුකම් සැලසුණි.

පර්යේෂණ සහ සංවර්ධන වැඩසටහන හරහා, ශ්‍රී ලංකා විදුලි සංදේශ නියාමන කොමිෂන් සභාව පර්යේෂණ මත පදනම් වූ නවෝත්පාදනයන්ට සහාය වීම සහ ප්‍රවර්ධනය කිරීම අඛණ්ඩව සිදු  කරගෙන යන අතර, ශ්‍රී ලංකාවේ විදුලි සංදේශ අංශයේ තාක්ෂණික ප්‍රගතියට සහ තිරසාර වර්ධනයට දායක වේ.