2026 ජාත්‍යන්තර පරිසර දිනය සැමරීම – ශ්‍රී ලංකා විදුලි සංදේශ නියාමන කොමිෂන් සභාවේ ආරාධිත දේශනය

11 06 2026 - 15:01 PM

2026 ජාත්‍යන්තර පරිසර දිනය සැමරීම නිමිත්තෙන්, ශ්‍රී ලංකා විදුලි සංදේශ නියාමන කොමිෂන් සභාව (TRCSL) විසින් පහත තේමාව යටතේ විශේෂ ආරාධිත දේශනයක් සංවිධානය කරනු ලැබීය: 
 "දේශගුණික විපර්යාසවල බලපෑම අවම කිරීම සඳහා ක්‍රියාමාර්ග ගනිමු."
පරිසර විද්‍යාව හා දේශගුණික විපර්යාස පිළිබඳ කීර්තිමත් විශේෂඥවරියක වන කොළඹ විශ්වවිද්‍යාලයේ සත්ව විද්‍යා හා පරිසර විද්‍යා අංශයේ මහාචාර්ය එරන්දතී ලොකුපිටිය විසින් මෙම දේශනය මෙහෙයවන ලදී.
පාරිසරික තිරසාරභාවය සඳහා සාමූහික ක්‍රියාමාර්ගයක හදිසි අවශ්‍යතාවය පිළිබඳ දැනුවත් කිරීමේ අරමුණින්, කොමිෂන් සභා කාර්ය මණ්ඩල සාමාජිකයින් සහ පාර්ශවකරුවන්ගේ සහභාගීත්වයෙන් 2026 ජුනි 5 වන දින ශ්‍රී ලංකා විදුලි සංදේශ නියාමන කොමිෂන් සභා ප්‍රධාන ශ්‍රවණාගාරයේදී මෙම උත්සවය සාර්ථකව පැවැත්විණි.
මෙම දේශනයට සහභාගීවූවන් දේශගුණික විපර්යාසවල බලපෑම්, ඒවා අවම කිරීමේ ප්‍රායෝගික ක්‍රමෝපායන් සහ පරිසර ආරක්ෂණයේදී පුද්ගලයන්ට හා සංවිධානවලට ඇති භූමිකාව පිළිබඳ වටිනා දැනුමක් ලබා ගත්හ.
 මෙම මුලපිරීම මගින් පාරිසරික වගකීම ප්‍රවර්ධනය කිරීම  මෙන්ම  දේශගුණික විපර්යාසයන්ට එරෙහිව සටන් කිරීම සඳහා ගෝලීය ප්‍රයත්නයන්ට සහාය වීමෙහි ලා  ශ්‍රී ලංකා විදුලි සංදේශ නියාමන කොමිෂන් සභාවේ  අඛණ්ඩ කැපවීම පිළිබිඹු වේ.