திரு.ஜீ.ஜீ.எஸ்.சீ.ரோஷன் அவர்கள் இலங்கை நிர்வாக சேவையின் (SLAS) விசேடத் தர அதிகாரியாக இருப்பதோடு, இவர் 2003 ஆம் ஆண்டு உதவிச் செயலாளராக இணைந்து தனது அரச சேவையின் வாழ்க்கையை ஆரம்பித்தார்.

அவர் தற்போது டிஜிட்டல் பொருளாதார அமைச்சின் செயலாளராக கடமையாற்றுவதோடு, இதற்கு முன்னர், ஜனாதிபதியின் சிரேஷ்ட மேலதிக செயலாளராகப் பதவி வகித்துள்ளார். ஜனாதிபதி செயலகத்தில் பணியாற்றிய காலப்பகுதியில், கௌரவ ஜனாதிபதி அவர்களின் வழிகாட்டல்களின் கீழ், நிர்வாகம் மற்றும் இராஜதந்திர விவகாரங்கள் தொடர்பான பொறுப்புகளையும், அரசாங்கத்தின் தேசிய டிஜிட்டல் மயமாக்கல் கொள்கையை நடைமுறைப்படுத்துதல் மற்றும் ஒருங்கிணைத்தல், அத்துடன் அதனுடன் தொடர்புடைய தகவல் மற்றும் தொடர்பாடல் தொழில்நுட்பம் (ICT) சார்ந்த முன்னெடுப்புகளை முன்னெடுத்தல் ஆகிய பொறுப்புகளையும் அவர் பொறுப்பேற்றுச் செயற்பட்டார்.

அத்துடன், அவர் ஜனாதிபதி நிதியத்தின் செயலாளராகவும், தொடர்ந்தும் அந்நிதியத்தின் நிர்வாகம் மற்றும் செயற்பாடுகள் தொடர்பான பொறுப்புகளையும் தொடர்ந்தும் நிறைவேற்றி வருகின்றார்.

திரு.ஜீ.ஜீ.எஸ்.சீ.ரோஷன் அவர்கள் தென் கொரியாவின் சியோல் தேசிய பல்கலைக்கழகத்தில் பொது நிர்வாக முதுகலைப் பட்டத்தையும் (MPA), ஐக்கிய இராச்சியத்தின் கிளௌசெஸ்டர்ஷயர் பல்கலைக்கழகத்தில் சர்வதேச வணிகச் சட்டம் மற்றும் முகாமைத்துவம் தொடர்பான சட்ட முதுகலைப் பட்டத்தையும் (LL.M.) பெற்றுள்ளார். மேலும், இலங்கை திறந்த பல்கலைக்கழகத்தில் சட்டமாணிப் பட்டத்தையும் (LL.B.), ஸ்ரீ ஜயவர்தனபுர பல்கலைக்கழகத்தில் பொருளாதாரத் துறையில் கலைமாணிப் பட்டத்தையும் பெற்றுள்ளார். இன்னும், அவர் இலங்கை உச்ச நீதிமன்றத்தில் சட்டத்தரணியாகவும் பணியாற்றுகின்றார்.